Taifeadtaí fuaime

Is éard atá sna taifeadtaí fuaime ná logainmneacha a ndearnadh taifeadadh as an nua orthu sa tréimhse 2008-2014 faoi stiúir Fiontar DCU, i gcomhar leis an mBrainse Logainmneacha, sa Roinn Ealaíon, Oidhreachta agus Gaeltachta.

Sprioc na dtaifeadtaí fuaime

Is í aidhm na dtaifeadtaí fuaime ná treoir d’fhuaimniú áitiúil na logainmneacha a chur ar fáil don phobal. Ní léiríonn siad, áfach, na miondifríochtaí fuaimnithe a bhíonn le sonrú ó cheantar go ceantar taobh istigh den chontae céanna. D’fhéadfadh difríochtaí a bheith idir na leaganacha taifeadta seo agus fuaimniú áitiúil na logainmneacha ar lámh amháin agus idir iad agus fuaimniú na logainmneacha céanna i réigiúin eile den tír ar an lámh eile.

Catagóirí logainmneacha

Tá taifeadtaí fuaime leis an leagan Gaeilge agus leis an leagan Béarla de logainmneacha atá sna catagóirí seo a leanas:

• Barúntachtaí
• Paróistí dlí
• Toghranna
• Lárionaid daonra
• Príomhainmneacha geografacha

San áireamh freisin tá taifeadtaí fuaime curtha leis na catagóirí seo a leanas:

• Bailte fearainn na gceantar Gaeltachta (an leagan Gaeilge amháin)
• Príomhshráideanna Bhaile Átha Cliath

Cainteoirí

Roghnaíodh cainteoir amháin do gach contae ar leith, cainteoir a tógadh sa chontae agus a raibh eolas aige/aici ar logainmneacha na háite. Sna contaetha Gaeltachta, roghnaíodh cainteoirí dúchais Gaeilge. Sna contaetha eile roghnaíodh cainteoirí Béarla a raibh Gaeilge líofa acu agus a raibh eolas acu ar fhuaimniú na logainmneacha Béarla.

Seo a leanas na cainteoirí:

• Áine Uí Fhoghlú, Co. Phort Láirge. Preasráiteas»
• Joe Ó Domhnaill, Co. Dhún na nGall. Preasráiteas»
• Liam Mac Con Iomaire, Co. na Gaillimhe. Preasráiteas»
• Neasa Ní Chinnéide, Co. Chiarraí Preasráiteas»
• Mathúin Ó Caoimh, Co. Thiobraid Árann. Preasráiteas»
• Fiachra Mac Gabhann, Co. Lú. Preasráiteas»
• Micheál Holmes, Co. Bhaile Átha Cliath. Preasráiteas»
• Póilín Ní Chiaráin, Co. Mhaigh Eo. Preasráiteas»
• Seosamh Mac Muirí, Co. Liatroma. Preasráiteas»
• Pádraig Ó Cearbhaill, Co. Luimnigh. Preasráiteas»
• Pádraic Mac Craith, Co. na Mí. Preasráiteas»
• Micheál Ó Diarmada, Co. Chill Chainnigh. Preasráiteas»
• Éamon de Buitléar, Co. Chill Mhantáin. Preasráiteas»
• Áine Uí Chuill, Co. Chorcaí. Preasráiteas»
• Kevin Murray, Co. Ros Comáin. Preasráiteas»
• Séamus S. de Vál, Co. Loch Garman. Preasráiteas»
• PJ Mac Gabhann, Co. Mhuineacháin. Preasráiteas»
• Úna Uí Rócháin, Co. an Chláir. Preasráiteas»
• Mícheál Ó Mainnín, Co. Shligigh. Preasráiteas»
• Cynthia Ní Mhurchú, Co. Cheatharlach. Preasráiteas»
• Liam Ó Maidín, Co. an Longfoirt. Preasráiteas»
• Aengus Finnegan, Co. na hIarmhí. Preasráiteas»
• Fidelma Ní Ghallchobhair, Co. Chill Dara. Preasráiteas»
• Adrian Ó Brádaigh, Co. Uíbh Fhailí. Preasráiteas»
• Caoimhín Ó Néill, Co. Laoise. Preasráiteas»
• Rióna Ní Fhrighil, Co. an Chabháin. Preasráiteas»
• Tomás Ó Máille, Co. Mhaigh Eo (logainmneacha Dhúiche Sheoigheach).
• Robbie Hannan, Co. an Dúin. Preasráiteas» (taifead déanta 2019)
• Pat McKay, Co. Aontroma. Preasráiteas» (taifead déanta 2020)